أكد الإعلامي عمرو أديب أن الحزب الجديد المتوقع أن يتم إنشائه بمشاركة رجل الأعمال إبراهيم العرجاني سوف يكون حزب مولاة.
وقال أديب خلال برنامج "الحكاية" المذاع على قناة "إم بي سي مصر": "السؤال لماذا هذا الحزب ولماذا الآن؟ شكله كده ميقولش أنه حزب معارض ومش عيب أنك تبقى حزب موالاه وده حزب موالاة جديد؟ أحنا عندنا أحزاب مولاة لماذا هذا الحزب؟ عندنا حزب مستقبل وطن 320 عضو جوة مجلس النواب لماذا هذا الحزب؟ ما هي الفائدة".
وأضاف: "التوقيت هام جدا لأن أنت في نهاية العام القادم عندك انتخابات مجلس النواب والناس دي لو عملت حزب يبقى ناوية تدخل الانتخابات والناس دي بالحجم ده والقدرة دي مش ممكن هيدخلوا الانتخابات ويخسروها".
وتابع: "هل ده معناه تغير خريطة الأحزاب في مصر؟ معرفش هل دا معناه أن في أحزاب هتتراجع وحزب هيتقدم معرفش هل ده معناه أنه معمول ائتلاف طيب ائتلاف ليه؟".
وواصل: "كل وكالات الانباء وقنوات الاخبار تتحدث أن هناك حزب جديد في مصر الحزب ده هيعمل إيه؟ هيشغل ليه وهيمثل مين؟ الكلام أن في تمويل كبير ومش عيب ولكن هذا الحزب داخل الحياة السياسية عشان يغير شيء".
وأكمل: "غني عن البيان أن اسم إبراهيم العرجاني في السنتين تلاتة اللي فاتوا في صعود اسمه موجود وبقت الناس عارفاه أمر واقع هذا الرجل يمتلك 35 شركة في مصر فيهم أسماء تهز الجبال يعني لماذا يدخل هذا الرجل المعترك السياسي ماذا يريد؟".
وذكر: "الناس لا تتحدث لا تتكلم إحنا عاملين حزب؟ لا مش هقولك يوم الحد هنبقي نشوف هو يوم الحد هيبقي في بيان ومحدش يقرب من الموضوع أنا بس بقول لما يبقى في حزب في مصر لازم الناس تعرف ونعرف الموضوع بيحصل فيه إيه ومين مع مين عشان أنا كمواطن في 2026 داخل اختار النواب بتوعي وطبعا واضح جدا أنه هيبقى في أحزاب تتقدم وأحزاب تتأخر".
واختتم: "الناس اللي بتتقدم وتتأخر بيبقى على أساس إيه؟ على أساس ما قدموه من خدمات على أساس ما فعلوه في الدورة السابقة طيب الناس دي لم يكن ليهم أي دور كلهم أو اغلبهم لم يكن ليهم أي دور في مجلس نيابي وهيبقى غريب جدا أن نجد هذا الحزب في المقدمة".
