يا ترى ايه اللى بيحصل فى سوق صرف العملات الأجنبية؟ وليه الدولار رجع سعره يتحرك من جديد؟ وهل فيه تعويم جديد للجنيه زي ما ناس كتير بتقول ؟ .. شوف الفيديو ده للآخر وهنوقلك بالظبط إيه اللي بيحصل والدنيا رايحة على فين
زمان لما اتكلمنا عن سعر الصرف، الكلمة دي كانت تخض، لأنها ارتبطت بمشاكل وضغوط كبيرة. ناس كتير كانت بتخاف من كلمة "تعويم" لأن اللي حصل قبل كده كان صعب جدًا لكن المرة دي الصورة مختلفة تمامًا.. الدولة بخبرتها وبكل أجهزتها المالية والرقابية استوعبت دروس الماضي كويس جدًا والرسالة واضحة من الحكومة مفيش أي مجال للتعويم الكبير أو الارتفاعات الجنونية اللي شفناها زمان في سعر الدولار وكمان مفيش سوق سودا تانى ولا تعدد لسعر العمل الأجنبية والسعر عيكون موحد فى البنوك وشركات الصرافة المعتمدة
الدكتور مصطفى مدبولي رئيس مجلس الوزراء قالها بكل وضوح "مش هنعيد أخطاء الماضي. مصر ماشية بسياسة سعر صرف مرن بيدي السوق حرية وفي نفس الوقت بيحافظ على الاستقرار"
طبعا كلنا فاكرين إيه اللي حصل زمان لما حصلت قفزة كبيرة في سعر الدولار قدام الجنيه.. الضغوط كانت صعبة والسوق اتأثر والأسعار كانت بتتحرك بشكل جنوني.. بس خلونا نسأل نفسنا: هل التاريخ هيتكرر؟ الإجابة الواضحة من الحكومة: لأ مش هيحصل تاني.
المستشار محمد الحمصاني، المتحدث باسم مجلس الوزراء، خرج وقالها بصراحة: مفيش داعي للخوف.. الجنيه في وضع قوي ومسيطر ومش هنشوف تاني الارتفاعات الضخمة اللي شفناها قبل كده
ومن مارس اللي فات الجنيه المصري بيتحرك بنسب بسيطة جدًا مقارنة بالدولار.. ولو بصينا على الأرقام هنلاقي إن الزيادة اللي حصلت كانت من 47 لـ49 جنيه يعني نسبة تتراوح بين 4 و5%..و ده معناه إن الأمور تحت السيطرة والدنيا ماشية بشكل منطقي وطبيعي
المتحدث الرسمي باسم مجلس الوزراء نفى بشكل قاطع كل اللي بيتقال عن ارتفاع الدولار بنسب كبيرة أوقفزات زس ما حصل قبل كده وقال ان ده كله مجرد تخمينات وإشاعات.. و الحكومة ملتزمة بالحفاظ على استقرار السوق واللي حصل بالفعل إننا قضينا على السوق الموازية ووحدنا سعر الصرف
طيب خلينا نسأل.. ليه ناس كتير بتحاول تخوفك من انهيار الجنيه؟.. وهل فيه مؤشرات فعلية على عدم استقرار السوق؟وإزاي الحكومة قدرت فعلاً تسيطر على الوضع؟
الإجابة بسيطة.. الدولة بتشتغل بخطة واضحة ودروس الماضي كانت فرصة لتصحيح المسار.. لما السوق يبقى موحد والمستثمرين يشتغلوا بأريحية ده بيخلق مناخ مستقر سواء للمستثمرين أو المواطن العادي
والدكتور مصطفى مدبولي وضّح إن سياسة سعر الصرف المرن كانت خطوة ضرورية للإصلاح.. ومفيش تدخلات عشوائية زي زمان ومفيش تعويم شامل يؤدي لارتفاعات ضخمة.. الرقم بيتحرك في إطار صغير ومقبول جدًا والاقتصاد بيستفيد من الاستقرار ده
والأهم فى تصريحات رئيس الحكومة “مش هنكرر أخطاء الماضي”.. لأن ببساطة النهج الجديد بيدي الثقة للمستثمرين وللمصريين بشكل عام
الحكومة اتعلمت من أخطائها والمستقبل بيبني على استقرار قوي والجنيه النهارده مش بس رمز للاقتصاد لكنه كمان رسالة ثقة لكل المصريين
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
