لو أنت بتفكر تعمل مشروع خاص بيك ومحتاج قرض 2025 ، تبدأ منين وتروح على بنك إيه، وايه أفضل البنوك اللي بتقدم قروض وفي فترة زمنية قصيرة، وايه هي نسبة الفايدة بتاعته، وأهم فوايده.. هنقولك كل التفاصيل في الفيديو ده فتابعنا للآخر .
طبعا، في شباب كتير بتحب تعمل مشروعها الخاص، وفي الوقت ده بالذات الدولة بتشجع الشباب على كده، عشان يحققوا أرباح مالية كويسة ويبدأوا مسيرتهم في عالم البيزنس.
عشان كده، في بنوك مصرية كتيرة بتقدم قروض المشروعات الصغيرة وكمان بتسهل إجراءتها وممكن تأخذها في أسرع وقت، ومن بين البنوك دي، بنك مصر، فبيطلق نظام مرابحة إكسبريس للمشروعات الصغيرة بنظام الإجارة الشرعية طبقاً لأحكام الشريعة، واللي بتوصل قيمة التمويل ل 5 مليون جنيه وفترة سداد لحد 5 سنين
وبيتيح بنك مصر الموافقة على التمويل خلال 5 أيام عمل بس ، وممكن العميل يقدم 5 مستندات بس للقرض.
طب سعر فايدة القرض ده كام؟
بص يا سيدي، لو حضرتك عمل مشروع صغير بس خاضع لمبادرة البنك المركزي، فهتاخد معدل عائد منخفض بيوصل ل 5%، أما بالنسبة للباقي فنعدل العائد بيكون متناقص، وبيشمل كل الأعباء للشركات غير الخاضعة لمبادرة البنك المركزي.
طب إيه هي شروط الحصول على التمويل؟
التمويل متاح للمنشآت الفردية سواء كانت له حساب في بنك مصر أو لا، وكمان شركات الأشخاص اللي عندها حساب في بنك مصر فقط، بس لازم يجب مايقلش رأس المال عن 50,000 جنيه، ومايقلش عمر مشروعك عن سنة.
نيجي بقى لمزايا التمويل ده، فأولها مرونة الطلب، يعني متاح للعميل اختيار المبلغ وفترة التمويل التي تناسب احتياجات مشروعه.
وتاني حاجة، إمكانية تتبع مراحل طلبك للتمويل بشفافية تامة، وبعد مده تقدر الحصول على مرابحتك في خلال 5 أيام عمل من تاريخ تقديم الطلب، وبس يا سيدي.
وبعيدا عن تمويل مشروعك، فبنك مصر كمان بيقدم قروض لشراء السيارة المستعملة.
والقرض ده متاح للموظفين في الجهات الحكومية والقطاع العام والأعمال العام، وكمان الموظفين في القطاع الخاص، وأصحاب المهن والأعمال الحرة.
أما بالنسبة للشروط، فهي سعر عائد تنافسي، والحد الأدنى لعمر المقترض يكون 21 سنة، والحد الأقصى للقرض 4 مليون جنيه، وبيكون نسبة التمويل 100%، أما مدة التمويل، فبتتصل إلى 72 شهر.
ولو عايز تقدم على القرض ده، فمطلوب شوية مستندات، زي صورة بطاقة الرقم القومي سارية، وأصل إيصال مرافق على مقر إقامة العميل (غاز-كهرباء – مياه – تليفون)، وصورة رخصة السيارة، وكمان وثيقة تأمين على السيارة لصالح مصرفنا مسددة القيمة.
وبالنسبة لأصحاب المهن الحرة والأنشطة التجارية والصناعية، فيتم إضافة مستندات زي صورة مستخرج رسمي حديث من السجل التجاري، وصورة ترخيص / تصريح مزاولة المهنة (للمهن الحرة).
والقرض ده له مميزات إضافية، وهي إنه بيدي العميل وثيقة تأمين مجانية على الحياة طوال فترة عمر القرض، ومسموح بترخيص العربية باسم طرف تالت من أفراد العائلة، كمان الحد الأقصى لعمر العربية في نهاية مده التمويل للعربيات الألماني بيوصل 120 شهر وللعربيات الأخرى ما عدا الصينية الصنع 96 شهر.
فلو حضرتك ناوي على القرض، فجهز ورقم واطلع على أقرب فرع منك لبنك مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
