مصر حاليا بتعيش فترة من اصعب الفترات في تاريخها خصوصا انها في الوقت الحالي بقت محاصرة بكمية صراعات رهيبة هتاثر بشكل مباشر علي الاقتصاد المصري وفعلا ده بدأ يحصل، فهل مصر هتشهد زيادة جديدة في اسعار صرف العملات الأجنبية وايه السعر المتوقع يوصل ليه الدولار فى نهاية السنة الجاية.
من فترة طويلة ومصر بتوجه مشاكل اقتصادية كبيرة بسبب وقوعها في منطقة محاطة بالصراعات وفي تحويلات جيوسياسية بتحصل في المنطقة بشكل كامل والتغيرات دي طبعا أول تاثير له كان علي الاقتصاد، واول حاجة اتاثرت في الاقتصاد المصري هيا ايرادات قناة السويس واللي اثرت بنسبة اكثر من 60% من الايرادات اللي كانت القناة بتحققها قبل كده بسبب الهجمات اللي موجودة في البحر الاحمر وعلي الخط الملاحي بالبحر .
طيب ايه اللي هيحصل في مصر الفترة الجاية؟.
مصر في الفترة اللي فاتت عملت شوية اصلاحات اقتصادية كان لها مفعول السحر في استمرار استقرار اسعار الصرف خصوصا أنه قضي علي وجود سعرين للصرف في مصر، واللي كان معاه نهاية عصر وجود السوق السودا للتجارة بالعملة في مصر، ولو كانت الأمور فضلت زي ما كانت من الاصلاحات الاقتصادية كانت الامور هتكون غير كده خالص.
القرار اللي اخذته مصر بتوقيع عقود الاستثمار السياحي في منطقة راس الحكمة مع أحد صناديق الثروة السيادية في أبوظبي، مقابل 35 مليار دولار مهدت الطريق لتوقيع حزمة إصلاح مالي بقيمة 8 مليار دولار مع صندوق النقد الدولي.
خبراء الاقتصاد قالوا ان الأمور في مصر هتتحسن بس بوتيرة تدريجية"، والسياسة المالية في مصر هتفضل مشددة لخفض عجز الموازنة وتقليص نسبة الدين إلى الناتج المحلي الإجمالي، والأمور هتفضل بالشكل ده لحد نهاية الربع الأول من عام 2025 لخفض خصوصا أن مصر حاليا ملزمة بسداد جزء كبير من أسعار الفايدة للديون الخارجية.
توقعات خبرا ءالاقتصاد أكدت أن الجنيه المصري ممكن يتراجع بنسب طفيفة في نهاية يونيو 2025 وبداية 2026
الخبر أكدوا كمان أن البنك المركزي مع بداية العام الجديد 2025، هياخذ قرار بخفض اسعار الفايدة إلى 22.25% بحلول نهاية يونيو 2025، وهتبدأ الفايدة تنخفض لـ 14.25% في نهاية يونيو 2026.
طيب اية سبب الزيادة الجديدة في اسعار الدولار في مصر؟.
زي ما احنا عارفين أن مصر حاليا محاطة بكمية كبيرة من الصراعات، والصراعات دي للاسف اثرت علي مصادر الدخل الرئيسية لمصر وهيا السياحة وقناة السويس واللي ايرادتها تراجعت لأكثر من 60% بسبب الهجمات اللي بتحصل علي السفن في البحر الأحمر واللي كانت لها تاثير مباشر علي حركة الملاحة بشكل كامل، واللي بسبب السفن التجارية بدأت تاخذ مسار جديد للمرور من طريق راس الرجاء الصالح ومنه الي البحر المتوسط لحد ما توصل الي وجهتها النهائية سواء كانت رايحة قارة أوروبا أو قارة أسيا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
