يا ترى خصومات الجمعة البيضا وصلت لفين، ولو عايز تشتري أجهزة كهربائية هل الوقت ده مناسب للشراء ولا تستنى شوية، ونسبة الخصومات دلوقتي وصلت لكام.. هنقولك كل التفاصيل في الفيديو ده فتابعنا للآخر.
شريحة كبيرة من المواطنين بتهتم دلوقتي بشراء الأجهزة الكهربائية في أوقات العروض والخصومات، وخاصة في الجمعة البيضا اللي هي بتكون آخر جمعة في شهر نوفمبر، عشان يستفيدوا من موسم التخفيضات والخصومات.
ومع اقتراب الجمعة البيضا، بتزيد العروض والخصومات من التجار عشان يزودوا نسبة المبيعات عندهم، فالمحلات وخاصة محلات الأجهزة الكهربائية والمتاجر الإلكترونية، بتقدم خصومات كبيرة علي أسعار الأجهزة، وبتتراوح ما بين 15% ل 50%، بجانب الخصومات عند الشراء بالبطاقة الائتمانية والدفع بالفيزا.
وبالنسبة لأسعار الأجهزة الكهربائية والتخفيضات، فمثلا في ماركة سامسونج بيوصل التخفيض ل 50%، وكمان الأجهزة الكهربائية من شارب تخفيضاتها بنسبة 17%.
أما شركة "فريش"، فبتقدم خصومات على أسعار الأجهزة الكهربائية المقدمة بحوالي 3300 جنيه للجهاز، وشركة "ميانتا" بتقدم تخفيض بنسبة 20%.
نيجي بقى لماركة "سوني"، فلو عايز تشتري أي جهاز هتاخد تخفيض عليه بنسبة 20%، وكذلك فيليبس 50%.
ولكن، قبل ما حضرتك تشتري، هنقولك شوية نصايح عشان تشتري حاجة مضمونة وتستفيد من الخصومات وفي نفس الوقت مايتنصبش عليك، واللي أولها انك تشتري من تاجر معروف موثوق فيه، أو مكان مضمون، وماتنساش تاخد ضمان مختوم من المحل للجهاز اللي حضرتك اشتريته، وده عشان تتجنب أي عيب ممكن يكون موجود فيه وانت ماخدتش بالك.
وحاول تفحص الجهاز كويس قبل ما تشتري عشان لو فيه أي عيب تكتشفه بسرعة وتبدل الجهاز قد ما تشحنه لبيتك، واوعى تنسى تاخد فاتورة ضريبية لعملية الشرا عشان تضمن حقك كويس جد.
وعشان الوقت ده مناسب للشراء وخاصة الأجهزة الكهربائية، هنقولك على أفضل أسواق بتبيع حاجة مضمونة ورخيصة في نفس الوقت.
واللي أولها شارع عبد العزيز في العتبة ، واللي ييقدم مجموعة واسعة من الأجهزة الكهربائية بأسعار معقولة، والأسعار بتبدأ من 1,500 جنيه للأجهزة الصغيرة زي الخلاطات والمكاوي، وممكن تصل ل 10 آلاف جنيه للأجهزة الكبيرة مثل الثلاجات والغسالات.
وكمان، بيتيح لحضرتك طريقة التقسيط على الأجهزة بواقع 6 أو 12 شهر وبفايدة 10%.
كمان الموسكي، ممكن تلاقي فيه أجهزة تبدأ من 1,200 جنيه للأجهزة الصغيرة، زي الأفران الكهربائية، وبتصل ل 15 ألف جنيه للأجهزة الكبيرة، وبيوفرلك كمان التقسيط المريح.
ضيف على دول، سوق الأزبكية، فممكن تلاقي أسعار تبدأ من 1,000 جنيه للأجهزة الصغيرة، وتوصل ل 12 ألف جنيه للأجهزة الكبيرة، ومتاح تقسط على 12 شهر بفايدة 8%.
وأخيرا، سوق الغورية المعروف بتجارة الأقمشة والأجهزة الكهربائية، وفي أجهزة هناك بتباع ب 800 جنيه للأجهزة الصغيرة، وبتصل لـ9 آلاف جنيه للأجهزة الكبيرة.
فحاول تحدد أولوياتك من الأجهزة الكهربائية والسوق والمكان المناسب للشراء، واستفيد من تخفيضات الجمعة البيضا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
