في عز كل اللي بنشوفه حوالينا من حروب ومشاكل واعطال في مجال الطيران ومفيش غير مطار واحد بس هو اللي واقف وسادد وشايل... ورغم كده لازم حد يطلع ويقول ده مطار القاهرة فيه مشاكل لا ده مطار القاهرة مشاكله مبتخلصش ..... وبعد رد وزارة الطيران في بيان رسمي فاحنا جايين نقولكم مطار القاهرة شايل حمل قد ايه وليه كل الكلام السلبي اللي اتقال عليه غير حقيقي
بعد المشكلة الاخيرة اللي صدرها البلوجر بن شلابيج ووصف مطار القاهرة بانه الأسوأ بس الحقيقة الكلام ده مش حقيقي وانا هقولكم ليه .....
مطار القاهرة الوحيد اللي شايل كل الدول اللي حوالينا وطبعا كلنا عارفين ايه اللي بيحصل في الدول دي من مشاكل وحروب ....واي طيران مبيعرفش ينزل في الدولة اللي هو رايحهاا فبينزل عندنا
ومطار القاهره الدولي حقق أعلي معدلات فى حركة السفر والوصول خلال 2023 باستقبال أكتر من 26 مليون راكب على متن 198 ألف رحلة جوية ومحدش منهم اشتكي..
الغريب ان البلوجر قال انا كان بيطلب منه اكراميات وخد وقت طويل على ماوصل مع ان كل ده اترد عليه في بيان ومش كده وبس الكاميرات اتراجعت مخصوص وكان واضح ان البلوجر محتكش بحد أصلا ده غير ان من وقت مدخل لحد مخلص مخدش غير 18 دقيقة بس وده رقم قياسي في أي مطار بالعالم..
ولحد دلوقتي مش فاهمين هو الراجل ده مزقوق علينا ولا ايه ....
المهم ان فيه اعلاميين كتيير طلعوا واتكلموا عن الموضوع زي عمرو أديب اللي وصف كلام البلوجر بانه انطباع شخصي وكلامه ومش موضوعي وإن مطار القاهرة من بين المطارات العالمية اللي بتخلص إجراءات الدخول والخروج في اسرع وقت ممكن.
ولو عايزين اسامي مطارات بعينها محطوط اسمهاا ضمن الاسوأ فانا هقولك .... يعني حد ممكن يتخيل ان اسوأ مطار موجود في اوروبا وفي بلجيكا كمان اه والله زي مابقولك كده ودي تقارير عالميه مش من عندي ..
و صحيفة فورتون الاقتصادية نشرت تقرير بيقول ان فيه مطارات كتير اتراجعت وحالتها بتسوء كل شوية زي مطار لندن ومطار لشبونة في البرتغال وكوبنهاجن في الدنمارك
كل ده يقولك قد ان المطارات كلها عندها مشاكل وأغلبها كمان بيكون في اوروبا
وياريت الناس متصدقش أي كلام يتقال ومحدش عارف البلوجر ده تبع مين او بيعمل كده ليه وعلى فكره هو ميقدرش يتكلم أو يعترض لو فضل واقف بالساعات في أي مطار في أوروبا
حبينا بس نوضحلكم الفكرة وقولولونا رأيكم في الكومنتات وتابعونا علشان يوصلكم كل جديد وكل يوم تفصيلة
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
