إنشاء 48 مدينة جديدة وأكتر من مليون وحدة سكنية.. معادلة كبيرة بتراهن عليها وزارة الإسكان في الفترة الأخيرة، وطبعا الهدف منها، تنفيذ توجيهات الرئيس عبدالفتاح السيسي بتوفير المسكن الملائم لكل مواطن، وبخاصة محدودي الدخل والشباب.
عشان كده، وزارة الإسكان بتوفر وحدات سكنية لكل فئات المجتمع وأصحاب الدخول العادية والمتوسطة والكبيرة، عشان تلبي احتياجات جميع فئات المجتمع المصري، وبالفعل تم تنفيذ أكتر من مليون و50 ألف وحدة سكنية خلال الـ9 سنين الأخيرة والعمل على حوالي 1.4 مليون وحدة سكنية، بتكلفة إجمالية 607 مليارات جنيه.
وفي المعادلة دي، حصل الإسكان الاجتماعي على الحصة الأكبر من الوحدات بتكلفة تجاوزت 193 مليار جنيه، كمان، وزارة الإسكان قامت بتطوير عواصم المحافظات والمدن الكبرى عشان توفر رصيد سكني للفئات الأقل دخلاً، وتوفر الفرصة لتنفيذ مشروعات التنمية العمرانية فى العمران القائم بالمناطق مرتفعة الكثافة، وشمل المشروع ده إنشاء 500 ألف وحدة سكنية بتناسب مختلف شرائح المصريين ضمن المبادرة الرئاسية "سكن لكل المصريين" ، كمان تم تنفيذ 112.4 ألف وحدة سكنية بالمحافظات.
ومش بس كده، ده الحكومة نفذت منظومة سكنية متكاملة، ووفرت نماذج مختلفة من برامج الإسكان عشان تواجه الطلب المتزايد على العمران، وكمان أطلقت مبادرات كتيرة عشان تعزز التمويل العقاري للمواطنين بمختلف طبقاتهم، وبالفعل تم تنفيذ 619 ألف وحدة إسكان اجتماعي بتكلفة نحو 154.8 مليار جنيه حتى ستة 2022، بحسب مركز المعلومات ودعم اتخاذ القرار، وكمان تم تنفيذ 154.3 ألف وحدة إسكان متوسط وفاخر بتكلفة 96.5 مليار جنيه لحد سنة 2022.
ووصل عدد الوحدات المنشأة فى الفترة 2014 - 2022، حوالي 773.3 ألف وحدة سكنية، وهو نص عدد الوحدات السكنية المنشأة خلال 38 عاما، فى الفترة من 1976 لحد سنة 2013، بإجمالي 1.5 مليون وحدة سكنية.
كمان، المدن الجديدة حصل فيها طفرة سكنية واقتصادية جديدة لملايين المواطنين، عشان بتقدر توفر فرص العمل الجديدة وتساعد في تحقيق التنمية الاقتصادية المستدامة، وده لأن الدولة بنت 48 مدينة جديدة على مستوى الجمهورية لحد سنة 2023، ومن أبرز المدن دي: العاصمة الإدارية الجديدة، ومن المتوقع انتهاء تنفيذها عشان تسهم فى توفير 1.5 مليون فرصة عمل جديدة.
وكمان، مدينة المنصورة الجديدة، اللي من المتوقع أنها تستوعب أكثر من 60 ألف نسمة، واستثمارات 22 مليار جنيه.
ضيف على كل ده، مدينة العلمين الجديدة وحدائق العاصمة ومدينة سلام شرق بورسعيد وامتداد مدينة الشيخ زايد ومدينة ناصر غرب أسيوط وغرب قنا وتوشكى الجديدة، وغيرها من المدن الجديدة.
وبتكلفة عدت الـ94 مليار جنيه، حققت وزارة الإسكان إنجازات فى مشروعات المرافق والخدمات والطرق ومياه الشرب والصرف الصحي بالمدن الجديدة، بالإضافة إلى 17.2 مليار جنيه لمشروعات خدمية لتغطية جميع الخدمات للمواطنين فى المدن دي.
أما مبادرة "حياة كريمة" لتطوير الريف المصري، فنجحت هي كمان في توفير السكن الملائم بلأسر الأكثر احتياجاً فى محافظات وقرى مصر، وكمان حسنت لهم مستوى المعيشة.
ونرجع لخطة وزارة الإسكان لتعزيز العمران في مصر، فنقدر نقول عليها أنها عبارة عم طفرة كبيرة فى ماحصلتش في التاريخ، أو بتحصل لأول مرة، وده بيأكد إن تكليفات القيادة السياسية لمسئولي الوزارة في الملف ده، ماشية زي مابيقول الكتاب.
وكل ده بالتأكيد، بيساهم بشكل كبير في تعزيز فكرة التوسع العمراني، وتحسين مستوى المعيشة للمواطنين اللي هيعيشوا في المدن الجديدة وهيستفيدوا من كل الخدمات العصرية فيها .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
