الرئيس السيسي: رصدنا 100 مليار جنيه لدعم صناعة السيارات الكهربائية
الثلاثاء 26 نوفمبر 2024 | 08:07 مساءً
الرئيس عبدالفتاح السيسى
أكد الرئيس عبد الفتاح السيسي، أن مصر مهتمة بتشجيع المستثمرين ودعمهم قائلا: معندناش ترف أبدا أننا نضيع وقت غير في تشجيع المستثمرين عشان يشتغلوا ويطورا ويستثمروا وهقول مثال في 2016 و2017 كان ليا فرصة أزور دول كتير زى اليابان وكوريا، وتكلمت عن السيارة الكهربائية وإننا فى مصر مهتمين بهذا الموضوع
100 مليار جنيه لدعم صناعة السيارات الكهربائية
أضاف الرئيس السيسى انا قلت إذا كانت صناعة السيارات التقليدية فاتتنا ؛ يبقى ندخل في موضوع العالم كله شغال فيه و مستعدين نقدم الحوافز اللى بتنجح صناعة السيارات الكهربائية في مصر، ونعمل مقر للشركة ومرصود لهذا الامر 100 مليار جنيه محطوطين من الدولة، ويستعرض "بلدنا اليوم" التفاصيل.
ووجه الرئيس كلامه للمستثمرين لو عايز تعمل صناعة سيارات كهربائية في مصر مستعدين نخش في ده عشان الصناعة متبقاش عبء على المستثمرين والأرض هخصصها وهعمل المطلوب مني وأنت عليك تجيب المعدات المطلوبة للإنتاج وتدير العمل وبنعمل ده مش عشان نشاركك كدولة ولكن عشان نشجعك ومفيش حاجة تكون عائق إمامك
واوضح الرئيس عبد الفتاح السيسي، إن الدولة المصرية بذلت جهودًا مكثفة على مدار السنوات العشر الماضية لتوفير بيئة ملائمة لتطوير الصناعة، بما يجعلها ركيزة أساسية في الناتج المحلي الإجمالي
المنتدى والمعرض الثالث للصناعة
وأشار الرئيس السيسى أيضا خلال كلمته بالمنتدى والمعرض الثالث للصناعة في مصر إلى أن السوق المصري يمثل سوقًا كبيرًا بحد ذاته، ما يعزز الفرص الاستثمارية داخليًا، إلى جانب إمكانيات التصدير
وأضاف أن مصر تتمتع بعلاقات قوية واتفاقيات مع الدول الأفريقية والعربية ، فضلًا عن علاقات طيبة مع الدول الأوربية وشرق آسيا ، ما يفتح آفاقًا واسعة أمام منتجات الشركات العاملة في مصر للوصول إلى الأسواق الدولية
الرئيس عبدالفتاح السيسى 
الرئيس عبدالفتاح السيسى اقرأ ايضا
